საქართველოს მთავრობის ადამიანის უფლებათა დაცვის სამდივნო სამუშაო ვიზიტით მალტაზე იმყოფებოდა

საქართველოს მთავრობის ადმინისტრაციის ადამიანის უფლებათა დაცვის სამდივნოს წარმომადგენლები სამუშაო ვიზიტით მალტაზე იმყოფებოდნენ, რომლის ფარგლებშიც ოფიციალური შეხვედრები გაიმართა მალტის მთავრობისა და არასამთავრობო სექტორის წარმომადგენლებთან. ამის შესახებ „ინტერპრესნიუსს“ საქართველოს მთავრობის ადმინისტრაციიდან აცნობეს.

მათივე ინფორმაციით, ვიზიტის ფარგლებში დელეგაციის წევრებმა შეხვედრა გამართეს მალტის ევროპის საქმეთა და თანასწორობის მინისტრთან, ჰელენა დალისთან და ადამიანის უფლებებისა და ინტეგრაციის დირექტორატთან. შეხვედრის ფარგლებში იმსჯელეს მალტის მიერ განხორცილებულ რეფორმებზე გენდერული თანასწორობის უზრუნველყოფის მიმართულებით. ასევე, ქართულმა მხარემ შეხვედრა გამართა შრომის ტრიბუნალის წარმომადგენლებთან, სადაც განიხილეს მალტაზე მოქმედი შრომითი დავების გადაწყვეტის ალტერნატიული მექანიზმები.

ვიზიტის ფარგლებში შეხვედრები ასევე გაიმართა, მთავარი პროკურატურის ოფისის, ჯანდაცვის სამინისტროს, თანასწორობის ხელშეწყობის ეროვნულ კომისრის და LGBTIQ მოძრაობის წარმომადგენლებთან. სამუშაო ვიზიტის მიზანს თანასწორობის საკითხებში მალტის საუკეთესო გამოცდილების გაზიარება წარმოადგენდა, რომელიც ევროპაში გენდერული თანასწორობის ხელშეწყობისა და LGBTIQ პირების უფლებების დაცვის კუთხით ერთ-ერთი წამყვანი სახელმწიფოა.

აღნიშნული ვიზიტი ევროკავშირისა და გაეროს ერთობლივი პროექტის „ადამიანის უფლებები ყველასთვის“ ფარგლებში გაიმართა. სამწლიანი პროგრამა ხელს უწყობს ადამიანის უფლებების დაცვის ეროვნული სტრატეგიისა და სამოქმედო გეგმის განხორციელებას.

ლადო პაპავა - საქართველოში სტაბილურად არასტაბილური ვითარება მხოლოდ რუსეთის ინტერესებშია
ქართული პრესის მიმოხილვა 24.02.2020
ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში