დავით ჟღენტი - თბილისის ბინათმესაკუთრეთა ამხანაგობების განვითარების პროგრამის ბიუჯეტი კიდევ 7 მილიონ ლარამდე შემცირდება

თბილისის ბინათმესაკუთრეთა ამხანაგობების განვითარების პროგრამის ბიუჯეტი კიდევ 7 მილიონ ლარამდე შემცირდება, - ამის შესახებ „ინტერპრესნიუსს“ საკრებულოს ფრაქცია „ევროპული საქართველოს“ წევრმა დავით ჟღენტმა განუცხადა.

საკრებულოს ოპოზიციონერმა დეპუტატმა თბილისის საკრებულოს დღევანდელ სხდომაზე ბიუჯეტში შესატან ცვლილებებთან დაკავშირებით აღნიშნა, რომ მერიის ადმინისტრაციული ხარჯები იზრდება 1 მილიონ ლარზე მეტით, „საზოგადოებისთვის მნიშვნელოვანი ინფორმაციის გავრცელების“ მუხლს ახალი ცვლილებით კიდევ დაემატება 500 ათასი ლარი, მერიის საზოგადოებასთან კომუნიკაციის განვითარების სააგენტოს კულტურული ღონისძიებებისთვის ემატება 1 მლნ ლარი, ამასთან მცირდება ბინათმესაკუთრეთა ამხანაგობის განვითარების დაფინანსების მუხლი 7 მლნ ლარამდე.

ჟღენტის განცხადებით, ბოლო 2 თვეში აღნიშნული მუხლი 10 მლნ ლარამდეა შემცირებული.

„საკრებულოს დღევანდელ სხდომაზე ბინათმესაკუთრეთა ამხანაგობის განვითარების პროგრამაში შევა ცვლილება და 7 მლნ ლარი გამოთავისუფლდება აღნიშნული მუხლიდან, ვინაიდან ეს არის აუთვისებელი თანხები. ჩვენ არაერთხელ ვსაუბრობდით, რომ ამ პროგრამით გათვალისწინებული თანხების დასახარჯად არსებული წესი იყო მიუღებელი, რადგან თბილისელებს არ ექნებოდათ საშუალება ამ პროგრამაში მიეღოთ მონაწილეობა. ეს პროგრამა ითვალისწინებს სახურავების გადახურვას, შიდა კომუნიკაციების შეცვლას, ჟოლობების, ლისტების აღდგენა-რეაბილიტაციას, სადარბაზოების კეთილმოწყობას და სხვ. ჩვენი გადაწყვეტილებები და მოსაზრებები მერიამ თავის დროზე არ მიიღო და დღეს ხედავთ, რომ თანხებს ვერ ითვისებენ. თბილისელები კი მნიშვნელოვანი სერვისების გარეშე რჩებიან“, - განაცხადა ჟღენტმა.

მისივე თქმით, ამ მიზნით გამოცხადებული ტენდერები ფაქტობრივად ჩაიშალა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს