თელავის მერია კულტურულ-საგანმანათლებლო, ახალგაზრდულ პროექტს ახორციელებს

თელავის მუნიციპალიტეტის მერია კულტურულ-საგანმანათლებლო, ახალგაზრდულ პროექტს „არქეოლგიური ბანაკი გონიო-აფსაროსის მუზეუმ-ნაკრძალში“ ახორციელებს.

როგორც „ინტერპრესნიუსს“ თელავის მერიიდან აცნობეს, პროექტში მონაწილეობენ თელავის მუნიციპალიტეტის საჯარო და კერძო სკოლის წარჩინებული მოსწავლეები, რომლებიც დაინტერესებულები არიან ჰუმანიტარული მეცნიერებებით, საქართველოს ისტორიითა და არქეოლოგიით. პროექტის მიზანია, ახალგაზრდებში კულტურული მემკვიდრეობის შესახებ ცოდნის გაღრმავება და მათი პროფესიული თვალსაწიერის გაფართოება. არქეოლოგიის შესახებ საგანმანათლებლო პროცესს გონიო-აფსაროსის მუზეუმ-ნაკრძალის არქეოლოგები და მეცნიერები ხელმძღვანელებენ.

პროექტის ფარგლებში დაგეგმილია სხვადასხვა კულტურულ საგანმანათლებლო და სპორტული აქტივობები. მოსწავლეები არსებულ არქეოლოგიურ სამუშაოებს ეცნობიან და მასში მონაწილეობენ. მათ საშუალება მიეცათ, გონიო-აფსაროსის მუზეუმ-ნაკრძალში არქეოლოგიური სამუშაოები ეწარმოებინათ პოლონეთის არქეოლოგიურ ექსპედიციასთან ერთად; დაათვალიერეს აჭარის არქეოლოგიური მუზეუმი და მუზეუმის ოქროს ფონდი, ასევე კერამიკის სახელოსნო, სადაც ჩამოსხმისა და ძერწვის ტექნოლოგიები შეისწავლეს და თავადაც დაამზადეს სამახსოვრო თიხის ნაკეთობები; მოინახულეს სარფის ლაზურ-ეთნოგრაფიული მუზეუმი. დაათვალიერეს არქეოლოგიური ფონდები, სადაც შეისწავლეს ექსპონატების აღრიცხვა-რესტავრაცია. შთამბეჭდავი იყო თეატრალიზებული წარმოდგენა გონიოს ციხის კედლებში, სადაც გაცოცხლებულ იქნა რომაელთა სხვადასხვა წეს-ჩვეულებები.

თელავის მუნიციპალიტეტის მერიის პროექტი "არქეოლოგიური ბანაკი გონიო-აფსაროსის მუზეუმ-ნაკრძალში" უკვე მეორე წელია ხორციელდება. იგი დაფინანსებულია თელავის მუნიციპალიტეტის მერიის მიერ, მხარდამჭერები კი აჭარის კულტურული მემკვიდრეობის სააგენტო და აჭარის მუზეუმი არიან.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს