გაერთიანებული ოპოზიციის კანდიდატი გრიგოლ ვაშაძე ქალაქ ზუგდიდში ახალგაზრდებს შეხვდა. როგორც „ინტერპრესნიუსს“ „ერთიანი ნაციონალური მოძრაობიდან“ აცნობეს, შეხვედრაზე განხილულ საკითხებს შორის იყო: ქვეყნის გაერთიანების სტრატეგიის არარსებობა, განათლების დაბალი ხარისხი, მზარდი კორუფცია და კრიმინალი, არსებული რთული ვითარების გამო ახალგაზრდების სურვილი საქმიანობა გააგრძელონ ქვეყნის ფარგლებს გარეთ.

გრიგოლ ვაშაძემ ახალგაზრდებს წარუდგინა გეგმა, თუ როგორ უნდა გადაიჭრას, მისი აზრით, ქვეყანაში არსებული პრობლემები და საქართველო დაუბრუნდეს სწრაფი განვითარების გზას.

შეხვედრა კითხვა-პასუხის რეჟიმში წარიმართა.