საპრეზიდენტო არჩევნების თარიღთან დაკავშირებით პრეზიდენტის ადმინისტრაციასა და საქართველოს მთავრობას შორის კონსულტაციები მიმდინარეობს. ამის შესახებ „ინტერპრესნიუსს“ საქართველოს პრეზიდენტის ადმინისტრაციაში განუცხადეს და აღნიშნეს, რომ საპრეზიდენტო არჩევნების თარიღი უახლოეს პერიდში გახდება ცნობილი.

აღსანიშნავია, რომ დღეს გამოქვეყნდა NDI-ის წინასაარჩევნო დელეგაციის ანგარიში, რომლის მთავარი რეკომენდაციაა, პრეზიდენტმა რაც შეიძლება მალე გამოაცხადოს არჩევნების თარიღი, რათა კამპანიასთან დაკავშირებული რიგი რეგულაციები ამოქმედდეს და კანდიდატებსა და პარტიებს ოფიციალური კამპანიის დაწყების შესაძლებლობა მიეცეთ.

უშუალოდ NDI-ის ანგარიშის თაობაზე პრეზიდენტის ადმინისტრაციაში კომენტარს არ აკეთებენ.