იერუსალიმში, ტაძრის მთიდან პოლიციამ ხალხის ევაკუაცია მას შემდეგ დაიწყო, რაც ისრაელის პოლიციასა და პალესტინელებს შორის შეტაკება მოხდა.

„ტაძრის მთაზე ლოცვის დასრულების შემდეგ პოლიციელებს ქვები და პეტარდები დაუშინეს. პოლიციის ხელმძღვანელის ბრძანებით, პოლიციის ძალები ტაძრის მთაზე ავიდნენ და იქ მყოფი ხალხის ევაკუაცია დაიწყეს“, - ნათქვამია იერუსალიმის პოლიციის განცხადებაში.

პოლიციის განცხადებით, შეტაკებების პროვოცირება „გაუგებარი და აუხსნელი ნაბიჯია“.

პოლიციასთან შეტაკებისას ათობით პალესტინელი დაშავდა. პოლიციამ ცრემლსადენი გაზი გამოიყენა.

ამ მომენტისთვის ისრაელის პოლიციამ ალ-აქსას მეჩეთზე წვდომა გადაკეტა.