ადგილობრივების ინფორმაციით, ჰესი "ხელედურა 3“-ის მშენებელი კომპანიის წარმომადგენლებმა ლენტეხის ტერიტორია დატოვეს. მათი გასვლის მოთხოვნით მოსახლეობამ აქციები იმ სასტუმროს წინ გამართა, რომელშიც კომპანიის წარმომადგენლები იყვნენ განთავსებული.

აქციის მონაწილეები ამბობენ, რომ ისინი საპროტესტო აქციით ცაგერში გადაინაცვლებენ, სადაც მძიმე ტექნიკა დგას. მათივე ინფორმაციით, მცირე ინციდენტსაც ჰქონდა ადგილი. ერთმანეთს ადგილობრივები და პოლიცია დაუპირისპირდა.

ქვემო სვანეთში მოსახლეობის ნაწილი ჰესის მშენებლობას აპროტესტებს. რამდენიმე მათგანმა პროტესტის უკიდურეს ფორმას, შიმშილობას მიმართა.