გია ვოლსკი - არჩევნების თარიღის ძალიან ადრე დასახელება როგორც საორგანიზაციო, ისე ფინანსური კუთხით გარკვეულ სირთულეებს ქმნის

საპარლამენტო უმრავლესობის ერთ-ერთი ლიდერი გია ვოლსკი მიიჩნევს, რომ არჩევნების თარიღის ძალიან ადრე დასახელება როგორც საორგანიზაციო, ისე ფინანსური კუთხით გარკვეულ სირთულეებს ქმნის, - ამის შესახებ გია ვოლსკიმ ჟურნალისტებს NDI-ის ანგარიშის პასუხად განუცხადა, რომელიც პრეზიდენტს საპრეზიდენტო არჩევნების დროულად დანიშვნისკენ მოუწოდებს. ვოლსკის თქმით, მთავარია პრეზიდენტმა კანონი არ დაარღვიოს და არჩევნები კანონით დადგენილ ვადაში დანიშნოს.

"დასაშვებია, რომ პრეზიდენტი ამ დრომდე არ ასახელებს არჩევნების ჩატარების თარიღს. თუმცა, დასაშვებობასთან დაკავშირებით მე არ მინდა კომენტარი გავაკეთო. იქ რაღაც გეგმები და თავისი დღის წესრიგი აქვს, მაგრამ მთავარია კანონი არ დაურღვევია. ძალიან ადრე დასახელება წინასაარჩევნო პერიოდის გარკვეულ სირთულეებს ქმნის, როგორც საორგანიზაციო, ისე ფინანსურ სირთულეებს. NDI-ის სურვილი შეიძლება სწორია, კარგი იქნებოდა, მაგრამ ამ საკითხის გამწვავება არ მიმაჩნია სწორად", - განაცხადა გია ვოლსკიმ.

ლადო პაპავა - საქართველოში სტაბილურად არასტაბილური ვითარება მხოლოდ რუსეთის ინტერესებშია
ქართული პრესის მიმოხილვა 22.02.2020
ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
სტუდენტზე ორიენტაცია, მოტივაციის ზრდა და კვალიფიკაციის ამაღლება - სტუ-ის რექტორის მიზნები და გეგმები
„მეტი ქართული პროდუქტის“ ინიციატივა „ვენდისთვის“ წარმატებული აღმოჩნდა
„ტერაბანკმა“ იურიდიული პირებისთვის მობაილბანკი შექმნა