თუშეთში, გომეწრის ხეობაში ავარიისას დაშავებულები თელავის რეფერალურ საავადმყოფოში გადაჰყავთ. ჯიპის მარკის ავტომანქანა სოფელ ილურთასთან რამდენიმემ მეტრის სიმაღლიდან ხრამში გუშინ გადავარდა. 25 წლამდე ახალგაზრდა ადგილზე გარდაიცვალა, ორი კი დაშავდა.
რთული რელიეფის გამო, სამაშველო ჯგუფები და პოლიცია მთელი ღამის განმავლობაში ახორციელებდა გარდაცვლილის და დაშავებულების ამოყვანას. დაშავებულების ამოყვანა დღეს დილით მოხერხდა.
ექიმის, ხათუნა ჭონიაშვილის განცხადებით, საავადმყოფოში ამ დროისთვის ერთი პაციენტია შეყვანილი, კიდევ ერთს კი ელოდებიან. მისივე თქმით, დაშავებულს პირველადი გამოკვლევა უტარდება.
მომხდარზე მიმდინარეობს გამოძიება.