უძრავი ქონების საერთაშორისო საკონსულტაციო კომპანიებმა, Colliers International Georgia-მ და Cushman & Wakefield Georgia-მ ერთობლივი ინიციატივით თანამედროვე ბიზნეს-ცენტრების კლასიფიკაცია განახორციელეს. პროექტმა თბილისის ბაზარზე წარმოდგენილი 34 თანამედროვე ბიზნეს ცენტრის (ჯამური საოფისე ფართით 192 ათასი კვ.მ) 71% მოიცვა.
ბიზნეს ცენტრებისაერთაშორისო გამოცდილების და ადგილობრივი ბაზრის სპეციფიკის გათვალისწინებით შემუშავებული 32 კრიტერიუმის საფუძველზე კლასიფიცირდა. მახასიათებლები ბიზნეს ცენტრის ადგილმდებარეობას, პარკინგების რაოდენობას, საინჟინრო და მართვის სისტემების შეფასებას, ოფისის ინტერიერის ხარისხსა და მოიჯარეებისთვის შექმნილ სხვა სერვისებს მოიცავს. კლასიფიკაციის შედეგად აღმოჩნდა, რომ თბილისის ბაზარზე ოთხი A კლასის, რვა B კლასის და ათი C კლასის ბიზნეს ცენტრია. თბილისის საოფისე ფართების მიწოდების 12%-ს A კლასის ბიზნეს ცენტრები ქმნის, 32%-ს კი B კლასი შეადგენს. C კლასის საოფისე ფართების წილი 27%-ია, არაკლასიფიცირებული ბიზნეს ცენტრების წილი კი ბაზრი 29%-ს წარმოადგენს.
(R)