გიორგი მიქაუტაძე - მოსამართლეთა საკვალიფიკაციო გამოცდასთან დაკავშირებით გაუმჯობესებულია დაცულობის ხარისხი და უსაფრთხოების გარანტიები

მოსამართლეთა საკვალიფიკაციო გამოცდასთან დაკავშირებით გაუმჯობესებულია დაცულობის ხარისხი და უსაფრთხოების გარანტიები, - ამის შესახებ იუსტიციის უმაღლესი საბჭოს მდივანმა, გიორგი მიქაუტაძემ ჟურნალისტებს განუცხადა.

მისი განმარტებით, მოსამართელთა საკვალიფიკაციო გამოცდა, რომელიც 21 - 28 ივლისს (პირველი და მეორე ეტაპი) გაიამართა, სრულიად თანამედროვე მეთოდიკით ჩატარდა.

„ჩვენ დავასრულეთ მოსამართლეთა საკვალიფიკაციო გამოცდა. ამის შემდეგ ვგეგმავთ, გამოვაცხადოთ იუსტიციის უმაღლესი სკოლის მსმენელების მისაღები კონკურსი. ეს სრულად პასუხობს იმ კითხვებს და შენიშვნებს, რომელიც ისმოდა, რომ იუსტიციის უმაღლესი საბჭო არ არის მოწოდებული, ახალი კადრებით გამდიდრდეს სასამართლო სისტემა. ჩვენ სრულიად ახალი, თანამედროვე მეთოდებით ჩავატარეთ მოსამართლეთა საკვალიფიკაციო გამოცდა. დატრენინგდა კომისიის ყველა წევრი, მათ გაიარეს სპეციალური სწავლება. სრულიად ახალი მეთოდებით, თანამედროვე სტანდარტებით იყო შედგენილი ტესტები და ასევე გაუმჯობესებულია დაცულობის ხარისხი და უსაფრთხოების გარანტიები. ასევე ჩვენ გვქონდა სრულიად თანამედროვე შეფასების სისტემა, რომლითაც თითოეული კონკურსანტი იყო დაცული იმის თაობაზე, რომ მაქსიმალურად ობიექტურად შეფასდებოდა“, - განაცხადა გიორგი მიქაუტაძემ.

ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
ქართული პრესის მიმოხილვა 25.05.2020
ნათია თურნავა - ყველა წინაპირობაა, რომ 2021 წელი წარმატებული წელი იყოს
თემურ ჩუბინიძე - ჩვენი მეშახტეები გმირები არიან
Wolt - კვლავ ღამის 3 საათამდე