თურქეთისთვის აშშ-ს მხრიდან მუქარის ენა მიუღებელია, ვაშინგტონის ამგვარი საქციელი არ შეესაბამება ქვეყნებს შორის სამოკავშირეო ურთიერთობებს, - ამის შესახებ ნათქვამია თურქეთის ეროვნული უშიშროების საბჭოს განცხადებაში.
„აშშ-ს მიერ თურქეთის მისამართით მუქარის ენის გამოყენება უპატივცემულობის გამოვლენაა და ეს აბსოლუტურად მიუღებელია“, - ნათქვამია განცხადებაში.
გარდა ამისა, თურქეთის ეროვნული უშიშროების საბჭოში აღნიშნავენ, რომ „აშშ-ს დამოკიდებულება თავდაცვით სფეროში თურქეთთან მიღწეულ შეთანხმებებთან მიმართებაში ზიანს მოუტანს ორი ქვეყნის სტრატეგიულ ურთიერთობებს“.
27 ივლისს თეთრი სახლის წარმომადგენელმა ჰოგან გიდლიმ განაცხადა, რომ აშშ თურქეთს სანქციებს დაუწესებს, თუ თურქეთის ხელისუფლება ამერიკელ პასტორს ენდრიუ ბრანსონს არ გაათავისუფლებს.
პროტესტანტი პასტორი ენდრიუ ბრანსონი, რომელიც თურქეთში, იზმირში ცხოვრობდა, 2017 წელს დააკავეს. მას ბრალად თურქეთში აკრძალულ „ქურთისტანის მუშათა პარტიასთან“ და ფეთჰულაჰ გიულენის ორგანიზაციასთან კავშირი ედება.