აჭარის მთავრობის სხდომის დახურვასთან დაკავშირებით აჭარის მთავრობის თავმჯდომარე თორნიკე რიჟვაძემ ჟურნალისტებთან საუბრისას განმარტება გააკეთა. როგორც მან განაცხადა, სხდომის საჯაროობის საკითხს რეგლამენტი არეგულირებს და ეს არ არის პირველი შემთხვევა.

„მთავრობის რეგლამენტი პირდაპირ განკარგავს სხდომის საჯაროობას. რაც შეეხება მთავრობის სხდომების ფორმატს, პირველ რიგში ვაპირებთ, რომ სხდომები ინტესიურად გაიმართოს. მთავრობის სხდომის დასაწყისი იქნება ღია მედიისთვის და სხდომის შემდეგ მთავრობის წევრები გააკეთებენ განცხადებას", - განაცხადა თორნიკე რიჟვაძემ.

შეგახსენებთ, რომ აჭარის მთავრობის სახლში გამართულ სხდომაზე მხოლოდ ოპერატორები დაუშვეს და 10 წუთის განმავლობაში გადაღებულის უფლება მისცეს, ჟურნალისტების სხდომაზე დასწრებაზე კი უარი განაცხადეს, რასაც ჟურნალისტების პროტესტი მოჰყვა.