აშშ, როგორც ქვეყანა, ნდობას არ იმსახურებს, რათა მასთან მოლაპარაკებების წარმოება იყოს შესაძლებელი, - ამის შესახებ ირანის შინაგან საქმეთა მინისტრმა აბდოლრეზა რაჰმანი ფაზლიმ განაცხადა.
„აშშ არ იმსახურებს ნდობას. როგორ შეგვიძლია ვენდოთ ამ ქვეყანას, როდესაც ცალმხრივად გამოდიან ირანის ბირთვული პროგრამის შესახებ შეთანხმებიდან?“, - აღნიშნა ირანის შს მინისტრმა.
აღსანიშნავია, რომ გუშინ აშშ-ს პრეზიდენტმა დონალდ ტრამპმა განაცხადა, რომ მზად არის თავის ირანელ კოლეგას ჰასან რუჰანის ყოველგვარი წინაპირობების გარეშე შეხვდეს. „არაფერია ცუდი იმაში, რომ ესაუბრო სხვებს, განსაკუთრებით, როდესაც საუბარი ეხება ომის, სიკვდილის, შიმშილის ალბათობას და ბევრ სხვა საკითხს. საჭიროა შეხვედრა“, - განაცხადა დონალდ ტრამპმა.