ქუთაისის მერმა 104 წლის ქალს დაბადების დღე მიულოცა

დღეს ქუთაისის მერმა გიორგი ჭიღვარიამ ქუთაისში მცხოვრებ მხცოვან ქალბატონს დაბადების დღე მიულოცა. ქუთაისის მერიის ინფორმაციით, 104 წლის ქეთევან კიკნაძეს ქალაქის მერი სახლში ესტუმრა და საჩუქრები მიუტანა. ამასთან, იუბილარ ქალბატონს ადგილობრივი ბიუჯეტიდან ათასი ლარი ჩაერიცხა.

„ჩვენ ას წელს გადაცილებულ ყველა მოქალაქეს ტრადიციულად დაბადების დღეს ვულოცავთ. გვაქვს ბიუჯეტში სპეციალური პროგრამა, რომელიც საშუალებას გვაძლევს ფინანსურადაც დავასაჩუქროდ ისინი," - განაცხადა გიორგი ჭიღვარიამ.