აშშ-ს პრეზიდენტმა დონალდ ტრამპმა აშშ-ს იუსტიციის დეპარტამენტის ხელმძღვანელს და გენერალურ პროკურორს ჯეფ სეშნს მოუწოდა, 2016 წლის საპრეზიდენტო არჩევნებში რუსეთის ჩარევის საქმეზე გამოძიება შეწყდეს, რომელსაც სპეციალური პროკურორი რობერტ მუელერი ატარებს. ამის შესახებ დონალდ ტრამპმა „ტვიტერის“ საკუთარ გვერდზე დაწერა.
„საშინელი სიტუაციაა შექმნილი და გენერალურმა პროკურორმა ჯეფ სეშნსმა უნდა შეწყვიტოს ეს ფალსიფიცირებული კუდიანებზე ნადირობა, ვიდრე ეს გამოძიება შემდგომშიც გასვრის ჩვენი ქვეყნის სახელს“, - დაწერა დონალდ ტრამპმა.
მისივე თქმით, „რობერტ მუელერი და მისი განრისხებული 17 დემოკრატი, რომლებიც მის ბინძურ სამუშაოს აკეთებენ, აშშ-ს სირცხვილი არიან“. დონალდ ტრამპმა ხაზგასმით აღნიშნა, რომ ამ გამოძიებას არაფერი საერთო აქვს რუსეთთან გარიგებასთან.