ირაკლი კობახიძე - NDI-ის კვლევებს ჩვენ არასდროს ვეყრდნობით

NDI-ის კვლევებს ჩვენ არასდროს ვეყრდნობით, – ამის შესახებ რადიო „პალიტრის“ გადაცემაში „რეზიუმე“ პარლამენტის თავმჯდომარემ, ირაკლი კობახიძემ განაცხადა.

მისი თქმით, მმართველ პარტიას აქვს შიდა კვლევები, რომლის მიხედვითაც კეთდება კონკრეტული პროგნოზები, ვინაიდან ის უფრო ახლოა იმ შედეგებთან, რომელიც არჩევნებზე ფიქსირდება. პარლამენტის თავმჯდომარე აღნიშნავს, რომ კითხვები ჩნდება კვლევის დამკვეთ ორგანიზაციასთან მიმართებითაც.

„ჩვენ გვაქვს ჩვენი შიდა კვლევები, რომელსაც ვეყრდნობით პროგნოზების გაკეთებისას. გარკვეული კითხვის ნიშნებია CRRC-ის მიმართ. ჩვენ არ ვცდებით ხოლმე ამ პროგნოზებში და შეგიძლიათ გაიხსენოთ ჩვენი წინასწარი პროგნოზები. არსებითად ემთხვევა იმ გადანაწილებას, რომელიც არის წარმოდგენილი არჩევნების შედეგებში.

NDI-ის კვლევებს ჩვენ არასდროს ვეყრდნობით. ჩვენ გვაქვს კვლევები, რომლებიც საბოლოო ჯამში ემთხვევა არჩევნების შედეგებს. როდესაც არჩევნებში იღებ 56%-ს, კვლევაში ეს მაჩვენებელი არ ფიქსირდება და ამას მარტივი ახსნა აქვს“, – განაცხადა ირაკლი კობახიძემ.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს