ეკონომიკის მინისტრი - შრომის უსაფრთხოებასთან დაკავშირებით ისეთ ზომებს მივიღებთ, რომ კანონის აღსრულება ბიზნესისთვის მძიმე ტვირთი არ გახდეს

ეკონომიკისა და მდგრადი განვითარების მინისტრის, გიორგი ქობულიას განცხადებით, შრომის უსაფრთხოება უაზრო შემოწმებების მიზეზი არ უნდა გახდეს. ამის შესახებ მინისტრმა გუშინ, ბიზნეს ასოციაციების ხელმძღვანელებთან შეხვედრის დასრულების შემდეგ განაცხადა. ქობულიას თქმით, შრომის უსაფრთხოება იყო ერთ-ერთი საკითხი, რითაც ბიზნესი დაინტერესდა.

"შრომის უსაფრთხოებასთან დაკავშირებით ჩვენ მივიღებთ ისეთ ზომებს, რომ ამ კანონის აღსრულება არ გახდეს ბიზნესებისთვის მძიმე ტვირთი. ჩვენ აბსოლუტური გარანტია უნდა გვქონდეს, რომ ეს არ გახდება კორუფციის წყარო და ბიზნესების შეწუხების ბერკეტი. ამასთან დაკავშირებით ძალიან მკაცრები ვიქნებით. შრომის უსაფრთხოება არ უნდა გახდეს უაზრო შემოწმებების მიზეზი და ბერკეტი. ეს იყო ერთ-ერთი საკითხი, რაც ბიზნესმენებს აწუხებდათ", - განაცხადა ქობულიამ.

მისივე თქმით, ამ საკითხზე უნდა იქნას მიღებული ოპტიმალური გადაწყვეტილება და სამინისტრო პარლამენტთან დისკუსიებს მართავს.

"ჩვენ ამ საკითხზე პარლამენტთან გვაქვს დისკუსია. ჩვენ გვაქვს უსაფრთხოების პრობლემა მძიმე ინდუსტრიებში და ეს სიტუაცია დიდხანს ვერ გაგრძელდება. ამიტომ უნდა მივიღოთ ზომები, რომ შევამციროთ შრომის უსაფრთხოებასთან დაკავშირებული შემთხვევები, თუმცა ჩვენ არ უნდა გავავრცელოთ ეს ზომები იმ სექტორებისთვის, სადაც შემთხვევები პრაქტიკულად არ ხდება. არ უნდა შევაწუხოთ ის სექტორები, რომლებიც ამასთან არაფერ შუაში არ არიან", - აღნიშნა ქობულიამ.

თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
ქართული პრესის მიმოხილვა 17.10.2019
ზურაბ ბატიაშვილი - სირიაში შექმნილი სიტუაციიდან ყველაზე მოგებულ პოზიციაში რუსეთი აღმოჩნდა, რაც ცუდი სიგნალია პროდასავლური ქვეყნებისა და ძალებისთვის
რატომ და რამდენით შემცირდა საკრედიტო ბარათების საპროცენტო განაკვეთი საქართველოში
კომპანია „ჰიდროდიაგნოსტიკამ“ ჟინვალჰესის ადრეული შეტყობინების პროექტზე მუშაობა დაასრულა და სატესტო რეჟიმში გაუშვა
„ვენდიმ“ „რაგბი მენიუს“ გათამაშების პირველი ნაკადის გამარჯვებული რაგბის გულშემატკივრები დააჯილდოვა
პროექტი „სტარტაპ ანბანი“ "ტერაბანკის" მხარდაჭერით გრძელდება
Wolt და Mastercard მომხმარებელს ახალ, შეუფასებელ აქციას სთავაზობს
"ჯადოსნური ახალი წელი აბუ დაბიში" - ლიბერთის და VISA-ს ერთობლივი კამპანია მხოლოდ Apple Pay-ს მომხმარებლისთვის დაიწყო