5 აგვისტოდან 7 აგვისტომდე დასავლეთ საქართველოში, მათ შორის ზღვისპირა ქალაქებში გამოიდარებს

5 აგვისტოდან 7 აგვისტომდე დასავლეთ საქართველოს ტერიტორიაზე, მათ შორის ზღვისპირა ქალაქებში გამოიდარებს. 8 და 9 აგვისტოს კი გაწვიმდება, თუმცა ხანგრძლივი წვიმები მოსალოდნელი არ არის. ამის შესახებ „ინტერპრესნიუსს“ გარემოს ეროვნული სააგენტოს მონიტორინგისა და პროგნოზირების ცენტრის მოკლევადიანი პროგნოზების სამმართველოში განუცხადეს.

მათივე ინფორმაციით, ამ დროისათვის, საქართველოს ზოგიერთ რაიონში წვიმს. დასავლეთ საქართველოში, ჰაერის მაქსიმალური ტემპერატურა 27-29 გრადუსამდე დაფიქსირდება, აღმოსავლეთ საქართველოში კი, 34-36 გრადუსია მოსალოდნელი. ამასთან , თბილისში დღის მეორე ნახევარში წვიმიანი ამინდია ნავარაუდევი, დროგამოშვებით იქროლებს დასავლეთის მიმართულების ქარი.

„აღმოსავლეთ საქართველოში 6 და 7 აგვისტოს ღამის საათებში ხანმოკლე წვიმაა მოსალოდნელი. ამ რიცხვებში წვიმიანი ამინდია მოსალოდნელი თბილისშიც, 5 აგვისტოს კი, უმეტესად უნალექო ამინდი იქნება“, - აცხადებენ გარემოს ეროვნული სააგენტოს მონიტორინგისა და პროგნოზირების ცენტრის მოკლევადიანი პროგნოზების სამმართველოში.

დავით ნარმანია - თუ არ გვინდა გაგვიძვირდეს ტარიფები, უნდა ავაშენოთ ჰესები
ქართული პრესის მიმოხილვა 22.10.2019
დიმიტრი შველიძე  -  მომავალი პარლამენტი ნაყიდი დეპუტატებით და ფრაქციებით აივსება
სასტუმრო „რადისონ ბლუ ივერიამ“ 10 წლის იუბილე აღნიშნა