დიმიტრი ცქიტიშვილი - დღეს, მეტ-ნაკლებად გვაქვს სრული სურათი, რომ დასკვნები გავაკეთოთ და საგამოძიებო კომისია გარკვეული მოსაზრებებით წარსდგეს

დღეს მეტ-ნაკლებად გვაქვს სრული სურათი იმისთვის, რომ ანალიზი, დასკვნები გავაკეთოთ და საბოლოო ჯამში, საზოგადოების წინაშე კომისია გარკვეული მოსაზრებებით წარსდგეს,

- ამის შესახებ ჟურნალისტებს ხორავას ქუჩაზე მოზარდების მკვლელობის საქმეზე შექმნილი დროებითი საგამოძიებო კომისიის წევრმა დიმიტრი ცქიტიშვილმა განუცხადა. საგამოძიებო კომისიამ გუშინ 4 არასრულწლოვანი გამოკითხა. კომისიის წვერების ინფორმაციით, ამით არასრულწლოვნების გამოკითხვა პრაქტიკულად დასრულდა.

კითხვაზე, რჩებათ თუ არა შთაბეჭდილება კომისიის წევრებს, რომ არასრულწლოვნების ნაწილი კომისიას ინფორმაციებს განგებ უმალავს და არ აწვდის, ცქიტიშვილი ამბობს, რომ ამ საკითხზე საუბარი მისგან სწორი არ იქნება, რადგან ეს მისი სუბიექტური აზრი იქნება.

„განგებ არ მიაწოდეს, მიაწოდეს, თავი შეიკავეს თუ გაიხსენეს, ეს ძალიან პირობითი ცნებებია. ამიტომ ამას მე ვერ დავაკონკრეტებ. ეს ჩემი სუბიექტური შეფასებებია რაც არ იქნება სწორი რომ გავახმაურო. მე შეიძლება ერთი ემოცია მქონდეს, მაგრამ ამის თქმის უფლება არ მაქვს. მე ანალიზს ვაკეთებ იმ ფაქტობრივი ინფორმაციით, რომელსაც თითოეული ეს ადამიანი გვაძლევს. კერძოდ, რამდენად თანხვედრაშია გარკვეული ჩვენებები, ესენი დავაზუსტოთ. დღეს გვაქვს საკმაოდ ბევრი მასალა, იმისთვის რომ შევადაროთ, როგორც საქმეში არსებულ მასალებს, ასევე ინფორმაციებს, რომელიც გვაქვს და გავაკეთოთ გარკვეული დასკვნები“, - განაცხადა ცქიტიშვილმა.

ამასთან, დეპუტატის განმარტებით, ახლა უკვე კომისია დასკვნის მომზადებაზე დაიწყებს მუშაობას, თუმცა თავდაპირველად უნდა გადაწყვიტოს, თუ როგორი ფორმატის უნდა იყოს დასკვნა.

„ამ ტიპის კომისია მოგეხსენებათ არ ყოფილა და ახლა დაიწყება ფორმატის გადაწყვეტაც კი, როგორი უნდა იყოს დასკვნა. ის, ალბათ, საკმაოდ მოცულობითი იქნება, ალბათ, დეტალურად აღვწერთ თუ რა პროცესები მიმდინარეობდა, როგორ მიმდინარეობდა კომისიის მუშაობა და ასევე იქნება ზოგადი, სისტემურ ხედვებზე საუბარი საგამოძიებო სიატემაში, განათლების სისტემაში, სასკოლო უსაფრთხოებაში და ა.შ. ასევე იქნება საუბარი გარკვეულ ცალკეულ საკითხებზეც, რომელიც კომისიის წევრების მოსაზრებებიდან გამომდინარე, ჩამოყალიბდება როგორც ხარვეზი ან გადაცდომა“, - აღნიშნა დიმიტრი ცქიტიშვილმა.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს