ხორავას ქუჩაზე მომხდარი მკვლელობის საქმის შემსწავლელი პარლამენტის საგამოძიებო კომისიის წევრები ხვალ, სასჯელაღსრულების დაწესებულებაში ორ პირს გამოკითხავენ.
კომისიის წარმომადგენლები გ.შ.-სა და ზ.წ.-ს შეხვდებიან, რომელთაც შს სამინისტროს ინფორმაციით, ხელი შეუწყეს არასრულწლოვანი გ.ჯ.-ს მიმალვას. გ.შ. და ზ.წ. დანაშაულის დაფარვისთვის არიან დაკავებული.
მომავალი კვირიდან პარლამენტის საგამოძიებო კომისია დასკვნაზე დაიწყებს მუშაობას. კომისიის თავმჯდომარის სერგი კაპანაძის განცხადებით, მოხსენება პარლამენტს სექტემბრის დასაწყისში, ბიუროს პირველივე სხდომაზე წარედგინება.