არჩილ თალაკვაძე - დაველოდებით, ვიდრე პრეზიდენტობის ყველა კანდიდატურა არ დასახელდება და შემდგომ გადავწყვეტთ, ვის დავუჭერთ მხარს

დაველოდებით, ვიდრე ყველა კანდიდატურა არ დასახელდება და ამის შემდგომ მივიღებთ გადაწყვეტილებას, თუ ვის დავუჭერთ მხარს, - ამის შესახებ ჟურნალისტებს საპარლამენტო უმრავლესობის ლიდერმა არჩილ თალაკვაძემ „ქართული ოცნების“ ოფისში გამართული მმართველი გუნდის შეხვედრის შემდეგ განუცხადა.

მისი თქმით, საპრეზიდენტო არჩევნებთან დაკავშირებით გაიმართა შეხვედრა, რომელსაც სრულად ესწრებოდა საპარლამენტო გუნდი, სამთავრობო გუნდი და პარტიის თავმჯდომარე.

"ჩვენ ვიმსჯელეთ და მივიღეთ გადაწყვეტილება, რომ ამ საპრეზიდენტო არჩევნებში ჩვენი პარტია კანდიდატურას არ დააყენებს. ახალი კონსტიტუციის პირობებში, კანდიდატი, რომელიც არც ერთი პარტიის მიერ არ იქნება წარდგენილი, უფრო ეფექტურად შეასრულებს საპრეზიდენტო ფუნქციებს. მოგვიანებით მივიღებთ გადაწყვეტილებას, თუ ვის დავუჭერთ მხარს და თუ მხარს დავუჭერთ კონკრეტულ კანდიდატს და მისთვის ეს მხარდაჭერა აუცილებელია, ეს კანდიდატი იქნება დამოუკიდებელი. დაველოდებით, ვიდრე ყველა კანდიდატურა არ დასახელდება და ამის შემდგომ მივიღებთ გადაწყვეტილებას, თუ ვის დავუჭერთ მხარს“, - განაცხადა თალაკვაძემ.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 23.09.2019
თათული ზაკალაშვილი - „ჰოთსეილი“ კონცეფციას იცვლის