იტალიაში ავტოცისტერნის აფეთქების შედეგად სულ მცირე 20 ადამიანი დაშავდა

იტალიაში ქალაქ ბოლონიის აეროპორტის მახლობლად მდებარე გზატკეცილზე ავტოცისტერნის აფეთქების შედეგად სულ მცირე 20 ადამიანი დაშავდა.

როგორც იტალიური მედია იუწყება, აფეთქების შედეგად ესტაკადის ნაწილი ჩამოინგრა.

აფეთქების მიზეზი სატვირთო ავტოცისტერნისა და სხვა ავტომობილის შეჯახება გახდა. წინასწარი ინფორმაციით, აფეთქდა ქიმიკატები, რომლებიც ავტოცისტერნას გადაჰქონდა.

ცეცხლი ახლომდებარე ავტოსალონზეც გავრცელდა, სადაც ახლა ავტომობილები იწვის.

ადგილზე პოლიცია, სასწრაფო სამედიცინო დახმარება და მეხანძრეები არიან მობილიზებულები.