დავით ზალკალიანი - ლეხ კაჩინსკი იყო საქართველოს ძალიან დიდი მეგობარი, რომელიც ზუსტად იმ ძნელბედობის ჟამს იყო ჩვენს გვერდით

პოლონეთის პრეზიდენტი ლეხ კაჩინსკი იყო საქართველოს ძალიან დიდი მეგობარი, რომელიც ზუსტად იმ ძნელბედობის ჟამს იყო ჩვენს გვერდით, - ამის შესახებ საქართველოს საგარეო საქმეთა მინისტრმა დავით ზალკალიანმა პოლონელ კოლეგასთან ერთად ლეხ კაჩინსკის მემორიალის ყვავილებით შემკობის შემდეგ ჟურნალისტებს განუცხადა. პოლონეთის, ლიეტუვას და ლატვიის საგარეო საქმეთა მინისტრები საქართველოს დღეს საღამოს ეწვივნენ.

"მოგეხსენებათ, რომ პოლონეთის პრეზიდენტი ლეხ კაჩინსკი იყო საქართველოს ძალიან დიდი მეგობარი, რომელიც ზუსტად იმ ძნელბედობის ჟამს იყო ჩვენს გვერდით, რაც არასდროს გვავიწყდება. მნიშვნელოვანია ასევე, რომ ის იყო აღმოსავლეთ პარტნიორობის ერთ-ერთი ინიციატორი, რომელიც დღეს უკვე საკმაოდ დინამიკურად ვითარდება. ამ მიმართულებით საქართველოს აქვს სერიოზული პროგრესი და ყველა ის ქვეყანა, რომელიც დღეს ჩვენთან არის, ჩვენი ქვეყნის ევროპული და ევროატლანტიკური კურსის მხარდამჭერია", - აღნიშნა დავით ზალკალიანმა.

ვიზიტის ფარგლებში სტუმრები მოინახულებენ საოკუპაციო ხაზს, პატივს მიაგებენ საქართველოს ტერიტორიული მთლიანობისთვის ბრძოლაში დაღუპულთა ხსოვნას და შეხვედრებს გამართავენ საქართველოს პრეზიდენტთან, პრემიერ-მინისტრთან და პარლამენტის თავმჯდომარესთან. ასევე მონაწილეობას მიიღებენ საგარეო საქმეთა სამინისტროს ორგანიზებით დაგეგმილ მრგვალი მაგიდის ფორმატის შეხვედრაში.

ლადო პაპავა - საქართველოში სტაბილურად არასტაბილური ვითარება მხოლოდ რუსეთის ინტერესებშია
ქართული პრესის მიმოხილვა 22.02.2020
ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
სტუდენტზე ორიენტაცია, მოტივაციის ზრდა და კვალიფიკაციის ამაღლება - სტუ-ის რექტორის მიზნები და გეგმები
„მეტი ქართული პროდუქტის“ ინიციატივა „ვენდისთვის“ წარმატებული აღმოჩნდა
„ტერაბანკმა“ იურიდიული პირებისთვის მობაილბანკი შექმნა