ირაკლი კობახიძე - პრეზიდენტის პოსტზე პარტიული კანდიდატის არჩევის პირობებში, მას პოლიტიკური ნეიტრალიტეტის შენარჩუნება გაუჭირდება

მიუხედავად იმისა, რომ ჩვენ არაერთი კანდიდატი გვყავს, რომელსაც პირველივე ტურში დამაჯერებელი გამარჯვების მოპოვება შეუძლია, „ქართული ოცნება“ უარს ამბობს საპრეზიდენტო არჩევნებში თავისი კანდიდატის წარდგენაზე, - ამის შესახებ „ქართული ოცნების“ აღმასრულებელმა მდივანმა, პარლამენტის თავმჯდომარემ ირაკლი კობახიძემ საპრეზიდენტო არჩევნებთან დაკავშირებით, „ქართული ოცნების“ პოზიციის გაჟღერებისას განაცხადა. კობახიძემ იმ მოსაზრებებზე ისაუბრა, თუ რის საფუძველზე მიიღო პარტიამ გადაწყვეტილება და არჩევნებზე კანდიდატს არ დაასახელებს.

„საქართველოს კონსტიტუციის თანახმად, საქართველო საპარლამენტო რესპუბლიკაა, სადაც ხალხის მიერ პოლიტიკური ძალაუფლების ლეგეტიმაცია საპარლამენტო არჩევნების საფუძველზე ხორციელდება. ხალხი ირჩევს პარლამენტს, რომელიც განსაზღვრავს ქვეყნის საშინაო და საგარეო პოლიტიკის ძირითად მიმართულებებს და აყალიბებს მთავრობას, რომელიც ახორციელებს საშინაო და საგარეო პოლიტიკას. ამ სისტემაში პრეზიდენტს არ აქვს მინიჭებული პოლიტიკური ძალაუფლება და მას არსებითად ეკისრება წარმომადგენლობითი ფუნქციები. საპარლამენტო სისტემაში პრეზიდენტი არც სახელმწიფო პოლიტიკას განსაზღვრავს და არც ახორციელებს მას. იგი ვერ წარსდგება პოლიტიკური პროგრამით საზოგადოების წინაშე“, - განაცხადა კობახიძემ.

პარლამენტის თავმჯდომარის თქმით, საპარლამენტო დემოკრატიაში პრეზიდენტი უნდა იყოს პოლიტიკურად ნეიტრალური, ზეპარტიული, უმაღლესი თანამდებობის პირი, რომელიც არ ერთვება პარტიულ, პოლიტიკურ დაპირისპირებაში, არამედ თვალყურს ადევნებს და ობიექტურად აფასებს ქვეყნის მდგომარეობის უმნიშვნელოვანეს საკითხებს.

„პრეზიდენტის პოსტზე პარტიული კანდიდატის არჩევის პირობებში, პრეზიდენტს გაუჭირდება პოლიტიკური ნეიტრალიტეტის შენარჩუნება და მისთვის კონსტიტუციით დაკისრებული ფუნქციის სათანადოდ შესრულება. პრეზიდენტის პოსტზე „ქართული ოცნების“ პარტიული კანდიდატის არჩევა, მით უფრო არასასურველია დღეს, იმ პირობებში, როდესაც „ქართული ოცნება“ მყარი უმრავლესობითაა წარმოდგენილი ცენტრალურ ხელისუფლებასა და თვითმმართველობის ორგანოებში და ფლობს პოლიტიკის განსაზღვრისა და აღსრულების ძლიერ ბერკეტებს. ყოველივე ზემოაღნიშნულის გათვალისწინებით, მიუხედავად იმისა, რომ ჩვენ არაერთი კანდიდატი გვყავს, რომელსაც პირველივე ტურში დამაჯერებელი გამარჯვების მოპოვება შეუძლია, „ქართული ოცნება“ უარს ამბობს საპრეზიდენტო არჩევნებში თავისი კანდიდატის წარდგენაზე“, - განაცხადა ირაკლი კობახიძემ.

რამაზ საყვარელიძე - პროპორციული საარჩევნო სისტემა კიდევ უფრო მარცხიანს გახდის ოპოზიციის მდგომარეობას
ქართული პრესის მიმოხილვა 05.06.2020
თედო ჯაფარიძე - არ მგონია, რომ ამერიკის "დასუსტებით" რუსეთმა ან რომელიმე სხვა ქვეყანამ საკუთარი პოზიციები გაიმაგროს
მითები და რეალობა ჰესების შესახებ
გიორგი რამიშვილის პრესსამსახური განცხადებას ავრცელებს
ლიბერთის მობაილ ბანკით სარგებლობა უკვე მობილური ინტერნეტის გარეშეც შესაძლებელია
ფინკა ბანკისა და სიმბიოტიკსის თანამშრომლობა მეწარმეების დაკრედიტების მიმართულებით გრძელდება
„ვისოლში“ საწვავზე წლის მიმდინარე პერიოდში რეკორდულად დაბალი ფასები დაფიქსირდა