ნატო-ში გაწევრიანება საქართველოს მოსახლეობის გადაწყვეტილებაა, - ამის შესახებ ჯანდაცვის მინისტრმა დავით სერგეენკომ რუსეთის პრემიერ-მინისტრის, დიმიტრი მედვედევის განცხადების საპასუხოდ განაცხადა, რომელმაც საქართველოს ნატო-ში გაწევრიანების შემთხვევაში მძიმე შედეგები იწინასწარმეტყველა.

სერგეენკოს თქმით, ყველა ქვეყანას აქვს სუვერენული უფლება განვითარდეს იმ გზით, რომელსაც მისი მოსახლეობის უმრავლესობა გადაწყვეტს.

"ნატო-ში გაწევრიანება საქართველოს მოსახლეობის გადაწყვეტილებაა. ყველა ქვეყანას აქვს თავის სუვერენული უფლება, განვითარდეს იმ გზით, რასაც მისი მოსახლების უმრავლესობა წყვეტს. გამიჭირდება გითხრათ, თუ იყო ამ განცხადებაში რაიმე კიდევ ქვეტექსტი. მე შემიძლია გითხრათ, საქართველოს მოსახლეობის სახელით ეს გადაწყვეტილება", - განაცხადა დავით სერგეენკომ.