პავლო როზენკო - 10 წლის წინ სამყარომ ვერ გააცნობიერა ის საფრთხე, რაც იდგა, 10 წლის წინ რუსებმა დააიგნორეს საერთაშორისოდ აღიარებული ნორმები

10 წლის წინ სამყარომ ჯერ კიდევ ვერ გააცნობიერა ის საფრთხე, რაც იდგა. 10 წლის წინ რუსებმა გადალახეს საერთაშორისოდ აღიარებული საქართველოს საზღვრები, დააიგნორეს საერთაშორისოდ აღიარებული ნორმები, - ამის შესახებ უკრაინის ვიცე-პრემიერმა პავლო როზენკომ მრგვალი მაგიდის ფორმატის შეხვედრაზე - „მშვიდობისა და უსაფრთხოებისთვის -2008 წელი რუსეთ-საქართველოს ომიდან 10 წლის შემდეგ“ სიტყვით გამოსვლისას განაცხადა. მისი თქმით, უკრაინა ყოველთვის მხარს დაუჭერს საქართველოს ტერიტორიულ მთლიანობასა და სუვერენიტეტს.

„აგვისტოს ომის 10 წლის თავზე უკრაინის მოსახლეობის სახელით მინდა თანაგრძნობა გამოვხატო. 10 წლის წინ, ამ საშინელი ომის დროს საქართველოში ჩამოვიდნენ 5 ქვეყნის ლიდერები. მაშინ ჩვენ ათასობით კილომეტრი გამოვიარეთ იმისათვის, რომ ქართველი ერისთვის ჩვენი გულწრფელი მეგობრული დამოკიდებულება გამოგვეხატა. ჩვენ იგივეს ვაკეთებთ დღესაც. დღესაც თქვენ გვერდით ვართ. პოლონეთის პრეზიდენტის, ლეხ კაჩინსკის სიტყვები არ მავიწყდება: - „ ჩვენ აქ საბრძოლველად ვართ. ჩვენმა მეზობელმა რუსეთმა პირველად აჩვენა თავისი სახე. ამ მეზობელს მიაჩნია, რომ ხალხი მას უნდა ემორჩილებოდეს, მაგრამ ჩვენ ამაზე უარს ვამბობთ. დღეს საქართველო, ხვალ უკრაინა, ზეგ ბალტიის ქვეყნები. შემდეგ კი უკვე პოლონეთის დროც მოვა.“

სამწუხაროდ, ლეხ კაჩინსკის სიტყვები გახდა წინასწარმეტყველური. უკვე 4 წელია, რაც უკრაინა რუსეთის აგრესიის წინააღმდეგ იბრძვის. ნატოსთან, ევროკავშირთან და მთელ ცივილიზებულ სამყაროსთან ერთად ძალისხმევას არ ვაკლებთ, რომ წინ აღვუდგეთ რუსეთის აგრესიას და შევინარჩუნოთ ტერიტორიული მთლიანობა.

10 წლის წინ სამყარომ ჯერ კიდევ ვერ გააცნობიერა ის საფრთხე, რაც იდგა. 10 წლის წინ რუსებმა გადალახეს საერთაშორისოდ აღიარებული საქართველოს საზღვრები, დააიგნორეს საერთაშორისოდ აღიარებული ნორმები. უკრაინა ყოველთვის მხარს დაუჭერს საქართველოს ტერიტორიულ მთლიანობასა და სუვერენიტეტს. ჩვენ ევროპელი პარტნიორების მადლიერი ვართ, რომლებიც საქართველოს და უკრაინას მხარს უჭერენ რუსეთის ასეთი ძალისმიერი აგრესიის პირობებში. გისრუვებთ მშვიდობასა და უსაფრთხოებას,“ - განაცხადა პავლო როზენკომ.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო