დონალდ ტრამპი - ნებისმიერი, ვინც ირანთან ბიზნესს წარმართავს, ვერ შესძლებს აშშ-სთან ბიზნესის წარმართვას

ნებისმიერი, ვინც ირანთან ბიზნესს წარმართავს, ვერ შესძლებს აშშ-სთან ბიზნესის წარმართვას, - ამის შესახებ აშშ-ს პრეზიდენტმა დონალდ ტრამპმა განაცხადა.

„ირანისთვის სანქციები ოფიციალურად ამოქმედებულია. ეს ყველაზე მკაცრი სანქციებია, რაც კი ოდესმე დაწესებული ყოფილა. ნოემბერში სასანქციო რეჟიმი ახალ დონეზე გადავა. ნებისმიერი, ვინც ირანთან ბიზნესს წარმართავს, ვერ შესძლებს აშშ-სთან ბიზნესის წარმართვას“, - დაწერა აშშ-ს პრეზიდენტმა „ტვიტერის“ საკუთარ გვერდზე.

გუშინ აშშ-მ ირანის წინააღმდეგ სანქციების აღდგენის პირველი ეტაპი დაიწყო, რომელიც 2016 წლის იანვარში ბირთვული შეთანხმების შემდეგ გაუქმდა. დღეიდან აღდგება შეზღუდვები თეირანთან ოქროსა და სხვა ძვირფას მეტალზე ვაჭრობაზე, ასევე ირანის ხელისუფლებისთვის დოლარის მიყიდვაზე.

აღსანიშნავია, რომ დღეს ევროკავშირმა მიიღო მაბლოკირებელი რეგლამენტი, რომელიც ევროკავშირის ქვეყნების ტერიტორიაზე აშშ-ს მიერ ირანის წინააღმდეგ დაწესებულ სანქციებს ბათილად ცნობს. დოკუმენტი ევროპულ კომპანიებს ამერიკული სანქციების შესრულებას უკრძალავს და ამ სანქციების საფუძველზე უცხოური სასამართლოების მიერ მიღებული გადაწყვეტილებების აღსრულებას კრძალავს.

ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
ქართული პრესის მიმოხილვა 28.05.2020
ნათია თურნავა - ყველა წინაპირობაა, რომ 2021 წელი წარმატებული წელი იყოს
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ