ზაზა სარალიძე, ზვიად კუპრავა და ელისო კილაძე პანკისში მალხაზ მაჩალიკაშვილს შეხვდნენ

პანკისში ზაზა სარალიძე, ზვიად კუპრავა და ელისო კილაძე მალხაზ მაჩალიკაშვილს შეხვდნენ. შეხვედრა სოფელ დუისში, მაჩალიკაშვილების საცხოვრებელ სახლში, რამდენიმე საათის განმავლობაში მიმდინარეობდა, რის შემდეგაც მათ ბრიფინგი გამართეს და სამომავლო გეგმებზე, მოსალოდნელ საფრთხეებსა და სტრასბურგში ჩაშლილ ვიზიტზე ისაუბრეს.

"ჩვენ სტრასბურგში მივდიოდით, თუმცა ტერორისტებად შეგვრაცხეს, რის გამოც უახლოეს პერიოდში გერმანიის ელჩს შევხდებით. საელჩოს შესაბამისი წერილით უკვე მივმართეთ. მივმართავთ იმ ადამიანებს, ვისთანაც შეხვედრები გვქონდა დაგეგმილი, ჩვენ ევროპაში აღარ გაგვიშვებენ და აქ ჩამოვიდნენ, რათა იმ ინფორმაციის მიწოდება, რომელიც მათთის უნდა გაგვეცნო, საქართველოში მოხდეს. ხეობაში ჩამოვედით იმისათვის, რომ პანკისელებს სოლიდარობა გამოვუცხადით, " - განაცხადა ბრიფინგზე სარალიძემ.