ზაზა ვაშაყმაძემ ვაშინგტონში რელიგიის თავისუფლების საკითხებისადმი მიძღვნილ მინისტერიალში მიიღო მონაწილეობა

ვაშინგტონში, აშშ-ის სახელმწიფო მდივნის, მაიკ პომპეოს მასპინძლობითა და პატრონაჟით, რელიგიის თავისუფლების საკითხებისადმი მიძღვნილი მინისტერიალი - Ministerial to Advance Religious Freedom - გაიმართა. ამის შესახებ „ინტერპრესნიუსს“ რელიგიის საკითხთა სახელმწიფო სააგენტოდან აცნობეს.

მათი ინფორმაციით, მინისტერიალში მონაწილეობა მიიღო სააგენტოს თავმჯდომარემ ზაზა ვაშაყმაძემ, რომელმაც აშშ-ის სახელმწიფო დეპარტამენტის საერთაშორისო რელიგიის თავისუფლების სრულუფლებიან ელჩთან, სემუელ ბრაუნბეკთან სამუშაო ფორმატის ორმხრივი შეხვედრა გამართა.

„მასპინძელმა დიდი მადლობა გადაუხადა რელიგიის სააგენტოს მინისტერიალში მონაწილეობისათვის. მან ხაზი გაუსვა საქართველოსა და აშშ-ის პარტნიორული ურთიერთობის მნიშვნელობას, ასევე, შეშფოთება გამოთქვა რუსეთის მხრიდან საქართველოსადმი განხორციელებული აგრესიული პოლიტიკის გამო.

სემუელ ბრაუნბეკი დაინტერესდა საქართველოს ოკუპირებულ ტერიტორიებზე რელიგიის თავისუფლების კუთხით არსებული სიტუაციით, ამ რეგიონებში საქართველოს მართლმადიდებელი ეკლესიის დევნისა და შევიწროების, ღვთისმსახურების შეზღუდვის, ასევე, ქართული საკულტო ნაგებობების გადარჩენისა და იერსახის შენარჩუნების საკითხებით.

ელჩმა რელიგიის სააგენტოს საქმიანობა დადებითად შეაფასა და სამომავლოდ მხარდაჭერა აღუთქვა. მისი განცხადებით, საქართველო - აშშ-ის სტრატეგიული პარტნიორობა რელიგიის თავისუფლების მიმართულებით კიდევ უფრო გაღრმავდება,“ - ნათქვამია რელიგიის საკითხთა სახელმწიფო სააგენტოს ინფორმაციაში.

მათივე ცნობით, სემუელ ბრაუნბეკმა საქართველოში ვიზიტის სურვვილი გამოთქვა და საქართველოს დელეგაციას რელიგიის თავისუფლების ხელშეწყობისათვის ქართულ-ამერიკული ერთობლივი პროექტების განხორციელება შესთავაზა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს