გლდანში, ორ მისამართზე გრუნტის დამჭერი კედელი ეწყობა

გლდანის რაიონში სხვადასხვა ინფრასტრუქტურული პროექტი ხორციელდება. მოსახლეობის უსაფრთხოების მიზნით, ორ მისამართზე გრუნტის დამჭერი კედელი ეწყობა.

დედაქალაქის მერიის პრესსამსახურის ინფორმაციით, სამუშაოები ზაჰესში, თავისუფლების N11-ის და ანდრონიკაშვილის N145-ის მიმდებარედ არსებულ სპორტულ მოედნებთან მიმდინარეობს. შედეგად, აღნიშნული კედელი სპორტულ მოედნებს გრუნტის ჩამოშლისგან დაიცავს.

პროექტის ფარგლებში, თავისუფლების N11-ის მიმდებარედ 45 გრძივი მეტრის, ანდრონიკაშვილის N145-ის მიმდებარედ კი, 22 გრძივი მეტრის რკინა-ბეტონის კედელი აშენდება.

სამუშაოები, რომელსაც ტენდერში გამარჯვებული კომპანია ახორციელებს, სექტემბერში დასრულდება. მიმდინარე სამუშაოებს გლდანის რაიონის გამგებელი ბექა მიქაუტაძე, საკრებულოს მაჟორიტარ დეპუტატ შალვა ოგბაიძესთან ერთად, ადგილზე გაეცნო.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს