სერგეი მარკედონოვი - საქართველოს ხელისფლებას „სამხრეთ ოსეთზე“ ტავდასხმის გამეორების შესაძლებლობა არ აქვს

საქართველოს მმართველ პარტიას „ქართულ ოცნებას“ იგივე სტრატეგიული მიზნები აქვს, რაც ექსპრეზიდენტ მიხეილ სააკაშვილის გუნდს ჰქონდა, მაგრამ სხვა მეთოდებს იყენებენ. ამის შესახებ „რია ნოვოსტის“ რუსეთის სახელმწიფო ჰუმანიტარული უნივერსიტეტის დოცენტმა, ექსპერტმა სერგეი მარკედონოვმა განუცხადა.

„მე არ დავსვამდი ტოლობის ნიშანს „ქართულ ოცნებასა“ და სააკაშვილს შორის. სააკაშვილის დროინდელ და „ქართული ოცნების“ ხელისუფლებების რიტორიკაში ბევრი რამ შეიცვალა. „ქართული ოცნების“ წარმომადგენლები თანმიმდევრულად, უკვე მრავალი წელია საუბრობენ რუსეთთან ურთიერთობის ნორმალიზებაზე, მაგრამ სააკაშვილისა და „ქართული ოცნების“ სტრატეგიული მიზნები ბევრ საკითხში ემთხვევა - ნატოსა და ევროკავშირისკენ ორიენტაცია“ - განაცხადა მარკედონოვმა.

მისივე თქმით, იგივე ეხება საქართველოს ტერიტორიულ მთლიანობას. „წინა და ამჟამინდელი ხელისუფლება აცხადებს, რომ აფხაზეთი და სამხრეთ ოსეთი - საქართველოს ნაწილებია. ტაქტიკურ საკითხში „ქართული ოცნება“ და სააკაშვილი რაღაცით განსხვავდებიან, მაგრამ სტრატეგიულ საკითხებში არსებობს საერთო მიზნები“ - განაცხადა რუსმა ექსპერტმა.

მისი აზრით, სააკაშვილი და მისი გუნდი გულწრფელად მიჩნევდა, რომ რაც უფრო მეტად იქნებოდნენ რუსეთთან კონფრონტაციაში, მით უფრო მალე მიიღებდნენ ნატოსა და ევროკავშირში.

„თავის მხრივ, „ქართული ოცნება“ პირიქით ფიქრტობს - თუკი რუსეთთან ურთიერთობა ნაკლებად კონფლიქტური იქნება, თუკი საქართველო დასავლეთს არ შეუქმნის პრობლემებს, დასავლეთი ამას დააფასებს და მაშინ საქართველოს ნატოსა და ევროკავშირში მიღებს“ - განაცხადა მარკედონოვმა.

ამასთან, რუსი ექსპერტის აზრით, „ქართულმა ოცნებამ“ ამ მიზნებისკენ გაცილებით შორს წაიწია, ვიდრე თავის დროზე სააკაშვილმა. „ძალიან ბევრი რამ გააკეთა ამ სტრუქტურებთან თანამშრომლობის კუთხით საქართველოს ხელისუფლებამ, რასაც სააკაშვილი ვერც იოცნებებდა - უვიზო მიმოსვლა, ევროკავშირის ასოცირებული წევრობა, ნატოს პრივილეგირებული პარტნიორის სტატუსი“ - განაცხადა მარკედონოვმა.

მისი აზრით, საქართველოს ამჟამინდელი ხელისუფლება სააკაშვილის ავანტიურების გამეორებაზე არ წავა. „ნებისმიერი ხელისუფლება მოქმედებს არა თავისი სურვილებით, არამედ რესურსების შესაძლებლობით. ამჟამად საქართველოს ხლეიუფლებას სამხრეთ ოსეთზე თავდასხმის გამეორების შესაძლებლობა არ აქვს“ - განაცხადა რუსმა პოლიტოლოგმა.

თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
ქართული პრესის მიმოხილვა 17.10.2019
ზურაბ ბატიაშვილი - სირიაში შექმნილი სიტუაციიდან ყველაზე მოგებულ პოზიციაში რუსეთი აღმოჩნდა, რაც ცუდი სიგნალია პროდასავლური ქვეყნებისა და ძალებისთვის
რატომ და რამდენით შემცირდა საკრედიტო ბარათების საპროცენტო განაკვეთი საქართველოში
კომპანია „ჰიდროდიაგნოსტიკამ“ ჟინვალჰესის ადრეული შეტყობინების პროექტზე მუშაობა დაასრულა და სატესტო რეჟიმში გაუშვა
„ვენდიმ“ „რაგბი მენიუს“ გათამაშების პირველი ნაკადის გამარჯვებული რაგბის გულშემატკივრები დააჯილდოვა
პროექტი „სტარტაპ ანბანი“ "ტერაბანკის" მხარდაჭერით გრძელდება
Wolt და Mastercard მომხმარებელს ახალ, შეუფასებელ აქციას სთავაზობს
"ჯადოსნური ახალი წელი აბუ დაბიში" - ლიბერთის და VISA-ს ერთობლივი კამპანია მხოლოდ Apple Pay-ს მომხმარებლისთვის დაიწყო