დავით გაბაიძემ და უმაღლესი საბჭოს წევრებმა პოლონეთის ქვემო სილეზიის სეიმიკის ოფიციალურ დელეგაციას უმასპინძლეს

აჭარის ავტონომიური რესპუბლიკის უმაღლესი საბჭოს თავმჯდომარემ დავით გაბაიძემ, თავმჯდომარის მოადგილემ მერაბ კარანაძემ, უმაღლესი საბჭოს წევრებმა პოლონეთის ქვემო სილეზიის სეიმიკის (პარლამენტის) ოფიციალურ დელეგაციას უმასპინძლეს სეიმიკის თავმჯდომარის პაველ ვრობლევსკის მეთაურობით, - ამის შესახებ „ინტერპრესნიუსს“ აჭარის ავტონომიური რესპულიკის უმაღლესი საბჭოდან აცნობეს.

მათივე ცნობით, 12-კაციანი დელეგაცია, აჭარის რეგიონში საპასუხო, სამუშაო ვიზიტით იმყოფება.

„როგორც ცნობილია, ქვემო სილეზიის სეიმიკმა, ახლახანს, საქართველოს ტერიტორიული მთლიანობისა და სუვერენიტეტის მხარდამჭერი რეზოლუცია მიიღო. ოფიციალური დოკუმენტის მიღების ღონისძიებას ესწრებოდა დავით გაბაიძე, რომელმაც ჩვენი ქვეყნის თანადგომისათვის პოლონელ კანონმდებლებს გულითადი მადლობა გადაუხადა.

აჭარის უმაღლეს საბჭოში გამართული შეხვედრა წუთიერი დუმილით დაიწყო - ქართველმა და პოლონელმა კანონმდებლებმა პატივი მიაგეს 2008 წლის ომში დაღუპულთა ხსოვნას.

უმაღლესი საბჭოს თავმჯდომარემ დავით გაბაიძემ თავის მისასალმებელ სიტყვაში განსაკუთრებული ყურადღება გაამახვილა მეგობრულ და საქმიან ურთიერთობებზე, რომლებიც ჩვენს ქვეყნებს აკავშირებს. დავით გაბაიძის შეფასებით, ქვემო სილეზიის სეიმიკმა საქართველოს მხარდამჭერი რეზოლუციის მიღებით საერთაშორისო სამართალში უპრეცედენტო, ისტორიული მაგალითი შექმნა.

თავის მხრივ, საქართველოსადმი პოლონეთის დამოკიდებულებაზე ისაუბრა დელეგაციის ხელმძღვანელმა პაველ ვრობლევსკიმ. მისი განცხადებით, სეიმიკმა რეზოლუციით ყველა საერთაშორისო ორგანიზაციასა და ინსტიტუტს შეახსენა, რომ მსოფლიო ვალდებულია მხარი დაუჭიროს საქართველოს ტერიტორიულ მთლიანობასა და სუვერენიტეტს. პაველ ვრობლევსკიმ შეხვედრის მონაწილეებს რეზოლუციის ტექსტი გააცნო და იმედი გამოთქვა, რომ გზავნილი პოლონეთიდან საქართველოს დასახული მიზნის მიღწევაში დაეხმარება.

შეხვედრაზე მხარეებმა, აგვისტოს ომის შეფასების პარალელურად, სამომავლო თანამშრომლობის განვითარების საკითხებზე ისაუბრეს, გაცვალეს საჩუქრები და გადაიღეს სამახსოვრო ფოტოები“, - ნათქვამია ინფორმაციაში.

იხილეთ ბმული:

გია ხუხაშვილი - ხელისუფლების დღის წესრიგი მორგებულია არჩევნებს, სამწუხაროდ, არ ფიქრობს ეკონომიკაში სისტემური ცვლილებების განხორციელებაზე და თვითგადარჩენის რეჟიმზეა გადასული
ქართული პრესის მიმოხილვა 28.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ