უზენაესი სასამართლოს თავმჯდომარის შესარჩევად კონსულტაციები ხვალ განახლდება

უზენაესი სასამართლოს თავმჯდომარის შერჩევის მიზნით პრეზიდენტის ადმინისტრაციაში კონსულტაციები ხვალ განახლდება. ადმინისტრაციის წარმომადგენლებიიმ ორგანიზაციების წევრებს შეხვდებიან, რომლებიც წლების განმავლობაში მართლმსაჯულების პრობლემატიკას სწავლობდნენ და აკვირდებოდნენ.

როგორც პრეზიდენტის მრჩეველმა ადამიანის უფლებებისა და მართლმსაჯულების საკითხებში, კახა კოჟორიძემ განაცხადა, მომავალ კვირაში შესაძლოა კონსულტაციები ადვოკატთა ასოციაციასთან, სახალხო დამცველთან, სასამართლო და საკანონმდებლო ხელისუფლების წარმომადგენლებთან გაიმართოს.

„მომდევნო კვირაში გვაქვს სურვილი, რომ შევხვდეთ ადვოკატთა ასოციაციას, სახალხო დამცველს, სასამართლო და საკანონმდებლო ხელისუფლების წარმომადგენლებს. ჩვენ გვინდა ამ პროცესში ჩავრთოთ პროფესიული წრეები, ფართო საზოგადოება და მაქსიმალურად მივაღწიოთ კონსენსუსს. პრეზიდენტის და თითოეული ჩვენგანის სურვილია, მივაღწიოთ საზოგადოების კონსენსუსს, ამ უმაღლეს თანამდებობასთან დაკავშირებით“, - განაცხადა კახა კოჟორიძემ.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 01.03.2021
სახელმძღვანელო სტარტაპერებისთვის - როგორ ხდება კადრების აყვანა კომპანიებში და რა ბენეფიტებს იღებენ დასაქმებულები
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა