თბილისის საბავშვო ბაგა-ბაღების მართვის სააგენტოს ISO 9001:2015 მიენიჭა

თბილისის საბავშვო ბაგა-ბაღების მართვის სააგენტო მართვის ხარისხის სერტიფიკატის ISO 9001:2015 მფლობელი გახდა, - ამის შესახებ „ინტერპრესნიუსს“ თბილისის მერიიდან აცნობეს.

მათივე ცნობით, უწყებისთვის მართვის ხარისხის შეფასება და სერტიფიკატის მოპოვება კომპანია „საი გლობალმა“ უზრუნველყო, რომელიც სააგენტომ ტენდერის გზით გამოავლინა. რვა თვის განმავლობაში, კომპანიამ ბაღების მართვის სააგენტოში სამუშაო პროცესის კვლევა აწარმოა, რის საფუძველზეც, რეკომენდაციები მომზადდა და სააგენტოს განხორციელებისთვის მიეწოდა.

„უმნიშვნელოვანესი ფაქტია და მიხარია, რომ სააგენტომ მენეჯმენტის ხარისხის სერტიფიკატი მოიპოვა. ეს სააგენტოს თითოეული თანამშრომლის დამსახურებაა. ეფექტური მართვის შედეგად, სააგენტოს რესურსების რაციონალური ადმინისტრირების შესაძლებლობას ვიღებთ. გამომდინარე იქიდან, რომ სააგენტო ბაგა-ბაღებისა და აღსაზრდელების მშობლებისთვის რესურსცენტრს წარმოადგენს, გაუმჯობესებული მომსახურებით, აღნიშნული სერვისის მთავარი ბენეფიციარები, ჩვენი აღსაზრდელები ისარგებლებენ. სააგენტოს სერვისების ხარისხის ზრდა ბაგა-ბაღის თითოეული სერვისის ხარისხის ზრდასთან პირდაპირ კავშირშია“, - განაცხადა სააგენტოს ხელმძღვანელმა კახაბერ გვანცელაძემ.

თბილისის მერიის ცნობით, სავალდებულო პროცესების გავლის შემდეგ, ბაღების მართვის სააგენტოს შესაბამისი სერტიფიკატი მიენიჭა.

მუშაობის პროცესში, კომპანიის ექსპერტებმა ადამიანური რესურსების მართვის სტრატეგია მოამზადეს, რომელიც განსახილველად სააგენტოს გადაეცა.

ზურაბ ბატიაშვილი - სირიაში შექმნილი სიტუაციიდან ყველაზე მოგებულ პოზიციაში რუსეთი აღმოჩნდა, რაც ცუდი სიგნალია პროდასავლური ქვეყნებისა და ძალებისთვის
ქართული პრესის მიმოხილვა 16.10.2019
ნანა ჩაჩუა - ისეთ ცნებებთან და გრძნობებთან, როგორიცაა  სამშობლო და ღმერთი, პოლიტიკოსები ჯამბაზობენ და ამ მგრძნობიარე ინსტრუმენტებით ჯამბაზებივით ცდილობენ მანიპულირებას
Wolt და Mastercard მომხმარებელს ახალ, შეუფასებელ აქციას სთავაზობს
"ჯადოსნური ახალი წელი აბუ დაბიში" - ლიბერთის და VISA-ს ერთობლივი კამპანია მხოლოდ Apple Pay-ს მომხმარებლისთვის დაიწყო
ლუდი „სტაროპრამენის“ სიურპრიზები სმეგ მაცივრის გათამაშებით გრძელდება