ტყიბულში, მინდელის შახტში მომხდარი აფეთქების შედეგად დაშავებული ბინაზე გაეწერა. ჯანდაცვის სამინისტროს ინფორმაციით, კლინიკის დატოვებამდე, პაციენტი საგანგებო სიტუაციების კოორდინაციისა და გადაუდებელი დახმარების ცენტრის დირექტორმა, ავთანდილ თალაკვაძემ მოინახულა.
დაშავებული ხეჩინაშვილის სახელობის საუნივერსიტეტო კლინიკის დამწვრობის ცენტრში ამ დრომდე მკურნალობდა.
სამედიცინო დაწესებულებაში შეყვანისას მას სხეულის ზედაპირის 50%-ის დამწვრობა აღენიშნებოდა. პაციენტს ჯანმრთელობის შესანარჩუნებლად შესაბამისი სამედიცინო მომსახურება გაეწია და კლინიკა 24-ე დღეს დატოვა.
შეგახსენებთ, რომ მინდელის შახტში 16 ივლისს მომხდარი უბედური შემთხვევის შედეგად 4 ადამიანი გარდაიცვალა, 6 კი დაშავდა.