არგენტინის სენატმა აბორტის ლეგალიზაციის შესახებ კანონპროექტს მხარი არ დაუჭირა. აღსანიშნავია, რომ აქამდე აღნიშნულ კანონპროექტს მხარი არგენტინის კონგრესის ქვედა პალატამ დაუჭირა. კანონპროექტის მისაღებად საჭირო იყო სენატის მხარდაჭერა, რათა შემდეგ მასზე ხელი არგენტინის პრეზიდენტს მაურისიო მაკრის მოეწერა.

არგენტინის სენატში აბორტის ლეგალიზაციის შესახებ კანონპროექტს მხარი 31-მა სენატორმა დაუჭირა, 38 წინააღმდეგ წავიდა, ხოლო ორმა სენატორმა კი თავი შეიკავა.

აღსანიშნავია, რომ ლათინურ ამერიკაში აბორტი ლეგალიზებულია მხოლოდ ურუგვაიში, კუბა და გაიანაში.