ტურისტებზე ძალადობის ბრალდებით დაკავებულ მამაკაცს ათი თვით თავისუფლების აღკვეთა მიესაჯა, საიდანაც სამ თვეს ციხეში გაატარებს, ხოლო შვიდი თვე პირობით მსჯავრს მოიხდის

ზუგდიდის რაიონულმა სასამართლომ ტობავარჩხილზე დაკავებული მამაკაცის საქმესთან დაკავშირებით პროკურატურის საპროცესო შეთანხმებაზე შუამდგომლობა დააკმაყოფილა.

საპროცესო შეთანხმების შედეგად, ბრალდებულს იძულების მცდელობის მუხლი 150-ე მუხლის პირველი ნაწილით შეეცვალა, რაც იძულებას გულისხმობს. სასჯელის სახით კი ათი თვის ვადით თავისუფლების აღკვეთა მიესაჯა, საიდანაც ის სამ თვეს ციხეში გაატარებს, ხოლო შვიდი თვე პირობით მსჯავრს გამოსაცდელი ვადით მოიხდის.

აღნიშნული გადაწყვეტილება მოსამართლე შოთა ბიჭიამ მიიღო. დაკავებული ბრალს აღიარებს და ამბობს, რომ დანაშაულს ინანიებს.

შემთხვევა ტობა ვარჩხილზე სამი დღის წინ მოხდა. მამაკაცი ტურისტების კარავში შეღწევასა და სექსუალური კონტაქტის დამყარებას ცდილობდა, თუმცა ტურისტებმა 112-ზე დარეკეს, რის შემდეგაც სამართალმდაცვებმა ის დააკავეს. მომხდარზე გამოძიება 19-150-ე იძულების მცდელობის ბრალდებით მიმდინარეობდა.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს