ტურისტები გონიოს სანაპიროზე მოუწესრიგებელი ინფრასტრუქტურის გამო უკმაყოფილებას გამოთქვამენ

ტურისტები გონიოს სანაპიროზე მოუწესრიგებელი ინფრასტრუქტურის გამო უკმაყოფილებას გამოთქვამენ. როგორც ტურისტებმა „ინტრპრესნიუსთან" საუბრისას განაცხადეს, სანაპიროზე განათების პრობლემაა და მათ საღამოობით გადაადგილება უჭირთ. ტურისტები ბათუმის მერიას ინფრასტრუქტურის მოწესრიგებას სთხოვენ.

ტურისტების პრეტენზიებს ბათუმის მერიაში უპასუხეს. მათი ინფორმაციით, სანაპიროზე განათების ბოძები შტორმმა დააზიანა და უმოკლეს ვადაში პრობლემა მოგვარდება.

„აღნიშნული პრობლემა ჩვენთვის ცნობილია. ბიუჯეტში თანხა გათვალისწინებულია. იგეგმება სრული რემონტი. დაზიანება შტორმმა გამოიწვია“, - განაცხადა ბათუმის მუნიციპალიტეტის მერიის კეთილმოწყობისა და ინფრასტრუქტურის სამმართველოს უფროსმა სულხან ევგენიძემ.