ბელარუსი დემოკრატიული სახელმწიფოა, სადაც დიქტატურა შეუძლებელია, - ამის შესახებ ბელარუსის პრეზიდენტმა ალექსანდრე ლუკაშენკომ მთავრობის ახალი ხელმძღვანელობის წარდგენისას განაცხადა.

„ჩვენ დემოკრატიულ ქვეყანაში ვცხოვრობთ. დასავლეთიდან და აღმოსავლეთიდან დემოკრატიული ბლოკები გვესაზღვრება, ხოლო სამხრეთით კი ისეთი დემოკრატიაა, რომ მეტის წარმოდგენაც კი შეუძლებელია. ამიტომაც, ბელარუსში დიქტატურის განხორციელება უბრალოდ წარმოუდგენელია“, - აღნიშნა ბელარუსის პრეზიდენტმა.

ალექსანდრე ლუკაშენკოს თქმით, „ქვეყანაში ყოველთვის იყო და იქნება წესრიგი“.

„მე ყურადღებით ვაკვირდები საზოგადოების რეაქციას ჩემს გადაწყვეტილებებზე. დიდი ხანია ეს ჩვევა გამომუშავებული მაქვს და ყოველთვის ორიენტირებას ვიღებ იმაზე თუ რა აზრის არის ხალხი იმ კურსზე, რომელიც ქვეყანაში ხორციელდება“, - დასძინა მან.