ესპანეთში, კატალონიაში, ქალაქ კორნელია დე ლიობრეგატში ცივი იარაღით შეიარაღებული პირი პოლიციის განყოფილებაში შეიჭრა.
როგორც ესპანური მედია იუწყება, თავდამსხმელი წარმოშობით ალჟირელია. პოლიციის განყოფილებაში შეჭრისას ის „ალაჰ აქბარს“ ყვიროდა. პოლიციელებმა მისი ლიკვიდირება მოახდინეს.
ინციდენტი ადგილობრივი დროით დილის 6 საათზე მოხდა.
აღსანიშნავია, რომ შარშან, 17 აგვისტოს ბარსელონაში და ტარაგონაში ტერაქტები მოხდა, რომლის შედეგად 13 ადამიანი დაიღუპა. შეგახსენებთ, რომ მაშინ ბარსელონას ცენტრში მიკროავტობუსი ხალხის მასაში შევარდა.