ატენის სიონის საკონსერვაციო სამუშაოების პირველი ეტაპი დასრულდა

ატენის სიონის საკონსერვაციო სამუშაოების პირველი ეტაპი დასრულდა. როგორც „ინტერპრესნიუსს“ საქართველოს კულტურული მემკვიდრეობის დაცვის ეროვნული სააგენტოდან აცნობეს, სააგენტოსა და ხელოვნების ნიმუშთა კონსერვაციის ცენტრის თანამშრომლობის საფუძველზე 2018 წელს ატენის სიონის ინტერიერის, დასავლეთი და სამხრეთ აფსიდები, ქვის საკონსერვაციო სამუშაოების I ეტაპი დასრულდა.

„ჩატარებული სამუშაოები მოიცავდა ქვათა შორის არსებული ცარიელი ადგილების გასუფთავებას ჰაერის ჭავლით. ინტერიერში სამხრეთ აფსიდისა და თაღის ქვების ჩაბმას ძირითად კონსტრუქციაზე და ინექტირებას. ამოივსო საპირე წყობის ქვებს შორის არსებული ნაკერები და ბზარები. მოხდა დასავლეთისა და სამხრეთი აფსიდის ქვების კონსერვაცია“, – აცხადებენ სააგენტოში.

მათივე ინფორმაციით, პროექტს ნანა კუპრაშვილი ხელმძღვანელობდა და სამუშაო პროცესში ასევე ჩართულები იყვნენ სარესტავრაციო ჯგუფის წევრები.