სომხეთის ყოფილი პრეზიდენტის ძმისშვილზე საერთაშორისო ძებნა გამოცხადდა

სომხეთის ყოფილი პრეზიდენტის სერჟ სარგსიანის ძმისშვილზე, ნარეკ სარგსიანზე საერთაშორისო ძებნა გამოცხადდა. ამის შესახებ პრესკონფერენციაზე ქვეყნის პოლიციის უფროსმა ვალერი ოსიპიანმა განაცხადა.

„ნარეკ სარგსიანზე საერთაშორისო ძებნა გამოცხადდა. ჩვენ აქტიურად ვთანამშრომლობთ უცხოელ კოლეგებთან მის დასაკავებლად“, - განაცხადა ოსიპიანმა.

შეგახსენებთ, რომ სომხეთში ექს-პრეზიდენტის ძმისშვილზე და მისი დაცვის წევრზე ძებნა 5 ივლისს გამოცხადდა. ის იარაღისა და ნარკოტიკების შენახვაშია ბრალდებული. სომხეთის ეროვნული უშიშროების სამსახურის თანამშრომლებმა ასევე დააკავეს სარგსიანის ახლო მეგობარი, რომლის ბინაშიც ნარკოტიკებითა და პისტოლეტებით სავსე ჩანთა აღმოაჩინეს.