ვაშინგტონმა მოსკოვს სანქციები მხოლოდ რუსეთის შეკავების პოლიტიკის გატარების სურვილით დაუწესა, - ამის შესახებ რუსეთის საგარეო საქმეთა მინისტრმა სერგეი ლავროვმა განაცხადა.
„ყველასთვის ნათელია, რომ რუსეთთან მიმართებაში სანქციები დაწესებულია არა სირიის, უკრაინის, ან ყირიმის გამო, არამედ არაკეთილსინდისიერი კონკურენციის მეთოდების გამოყენების სურვილით, რათა რუსეთის შეკავების აბსოლუტურად უპერსპექტივო პოლიტიკა განეხორციელებინათ“, - განაცხადა სერგეი ლავროვმა.
რუსეთის საგარეო უწყების ხელმძღვანელის თქმით, აშშ-ში პოლიტიკურმა წრეებმა რუსეთთან ურთიერთობები შიდაპოლიტიკური ბრძოლის ინსტრუმენტად აქციეს.