საკადრო ცვლილებები იქნება, თუმცა ის სახელმწიფო მოხელეები, რომლებიც თავიანთ მოვალეობას კეთილსინდისიერად და ამომწურავად ასრულებდნენ, აუცილებლად იქნებიან ჩვენი გუნდის წევრები, - ამის შესახებ სამეგრელო-ზემო სვანეთის ახალმა გუბერნატორმა ალექსანდრე მოწერელიამ განაცხადა. მისი თქმით, საკადრო ცვლილებამდე ის დეტალურად გაეცნობა რეგიონში არსებულ ვითარებას.

„მე უახლოეს დღეებში ვეცდები, რომ უფრო ძირფესვიანად შევისწავლო საკითხები, ყველა საკითხზე შევიქმნა საკუთარი აზრი, გავეცნო უფრო დეტალურად ვითარებას რეგიონში“, - განაცხადა მოწერელიამ.