მამუკა ბახტაძე - არსებობს გარკვეული საკითხები, რომელიც მოითხოვს დარეგულირებას ცემენტის შემოტანასთან დაკავშირებით

არსებობს გარკვეული საკითხები, რომელიც მოითხოვს დარეგულირებას ცემენტის შემოტანასთან დაკავშირებით, - ამის შესახებ ჟურნალისტებს საქართველოს პრემიერ-მინინისტრმა მამუკა ბახტაძემ განუცხადა.

"დავეხმარებით ყველა ქართულ საწარმოს. ჩვენთვის თითოეული სამუშაო ადგილი არის ძალიან ძვირფასი. ჩვენ ვართ ერთგულნი საერთაშორისო და სამართლიანი ვაჭრობის პრინციპების. ამასთან ერთად მიგვაჩნია, რომ არსებობს გარკვეული საკითხები, რომელიც მოითხოვს დარეგულირებას ცემენტის შემოტანასთან დაკავშირებით. ჩემთან ბიზნესომბუდსმენი იყო მოსული, მუშაობენ შესაბამისი პროფილის სამინისტროებიც და უმოკლეს ვადებში ვფიქრობ, რომ ეს პრობლემაც ამოიწურება",- განაცხადა პრემიერმა.

ცემენტის მწარმოებელი კომპანიები მთავრობის ადმინისტრაციას პრობლემების გადასაჭრელად დახმარებას სთხოვენ.