ბერლინში, ასაფეთქებელი ნივთიერების გამოყენებით ტერაქტის მომზადების ბრალდებით, რუსეთის მოქალაქე მაგომედ-ალი ს. დააკავეს. ამის შესახებ გერმანიის გენერალური პროკურატურა იუწყება.
„2018 წლის 9 აგვისტოს გაცემული ორდერის საფუძველზე, გენერალურმა პროკურატურამ რუსეთის 31 წლის მოქალაქის დაკავების განკარგულება გასცა. დაკავება ფედერალური სისხლის სამართლის პოლიციისა და ბერლინის სისხლის სამართლის პოლიციის სპეციალურმა ქვედანაყოფმა განახორციელა. ეჭვმიტანილის ბინაში ჩატარდა ჩხრეკა. მას ბრალად სახელმწიფოს წინააღმდეგ მძიმე დანაშაულის მომზადება და ასაფეთქებელი ნივთიერების გამოყენებით დანაშაულის მომზადება ედება“, - ნათქვამია გენერალური პროკურატურის განცხადებაში.