აჭარის ავტონომიური რესპუბლიკის უმაღლესი საბჭოს ადამიანის უფლებათა დაცვის საკითხთა კომიტეტის თავმჯდომარე ცოტნე ანანიძე ბათუმის N3 საპყრობილეში პატიმრებს ხვდება და მათ პრობლემებს ეცნობა.
აჭარის უმაღლესი საბჭოს ინფორმაციით, ცოტნე ანანიძე, ასევე მოინახულებს ერთ-ერთ პატიმარს, რომელმაც თვითდაზიანება მიიყენა.
დეპუტატის განცხადებით, წინასწარვე ცნობილია, რომ თვითდაზიანება არ უკავშირდება ცუდ მოპყრობას.
უმაღლესი საბჭოს წევრი პენიტენციურ დაწესებულებაში მონიტორინგის მიზნით ამჯერად მეცხრედ იმყოფება.