ექიმების ინფორმაციით, უშგულში, კოშკიდან გადმოვარდნილი ახალგაზრდა ბიჭის ჯანმრთელობის მდგომარეობა სტაბილურია.

როგორც „ინტერპრესნიუსს“ ღუდუშაურის კლინიკის პრესსამსახურში განუცხადეს, დაშავებულს გამოკვლევები ჩაუტარდა და ამ ეტაპზე ოპერაციის ჩატარების საჭიროება არ დგას, თუმცა ახალგაზრდა კლინიკაში რჩება შემდგომი დაკვირვების მიზნით.

19 წლის ბიჭი უშგულში, კოშკიდან დღეს გადმოვარდა. ის ვერტმფრენით თბილისში გადმოიყვანეს.