აშშ-ს პრეზიდენტის მრჩეველმა ეროვნული უსაფრთხოების საკითხებში ჯონ ბოლტონმა რუსეთის უშიშროების საბჭოს მდივანთან ნიკოლაი პატრუშევთან შეხვედრაზე განაცხადა, რომ ვაშინგტონი მზადაა, სირიის სამთავრობო ძალებზე ახალი, კიდევ უფრო მძლავრი დარტყმა მიიტანოს, თუ დამასკო ქიმიურ იარაღს გამოიყენებს. ამის შესახებ სააგენტო „ბლუმბერგი“ ოთხ სხვადასხვა წყაროზე დაყრდნობით იუწყება.

მათივე ინფორმაციით, ამერიკის ხელისუფლება ამტკიცებს, რომ მათ აქვთ ინფორმაცია „ბოევიკების“ მიერ კონტროლებადი ტერიტორიების გათავისუფლების დროს სირიის ჯარის მიერ ქიმიური იარაღის შესაძლო გამოყენების შესახებ, რასაც აშშ-მ „შესაძლოა, კიდევ უფრო მძლავრი სამხედრო პასუხი გასცეს“.